Pak ditë pasi Zhoze Murinjo u shkarkua nga detyra si trajner i Mançester Juanjtidit, shumë skuadra kanë nisur të mendojnë për shërbimet e tij. Përveç Interit dhe Real Madridit që tashmë dihet se kanë një interes ndaj portugezit, lajme të eja vijnë edhe përtej oqeanit. Vetëm pak ditë më parë, Nikolas Burdiso u emërua di drejtor sportiv i Boka Zhuniorsit dhe për të treguar se e ka merituar këtë rol në klub, ai ka nisur që të punojë për të siguruar shërbimet e teknikut portugez.
Humbja në Kupën Libertadores, bëri që trajneri i skuadrës të paraqiste dorëheqjen pas humbjes ndaj River Plejtit dhe drejtuesit po mendojnë për një pasues të denjë. Nëse Murinjo pranon të marrë drejtimin e Bokës, ai do të ndihmohet nga njëri prej heronjve të tripletës me Interin, duke qenë se Kambiaso mund të bëhet ndihmës i tij në Argjentinë. Në ditët në vijim pritet që të ketë zhvillime të reja, megjithëse duket i vështirë si operacion për të ndodhur, pasi portugezi mund të synojë një klub të madh në Europë.